အဲကွန်း
ရီမုဒ်လေးရဲ့ အခြေခံအသုံးပြုပုံလေးပါ
1-On / Off ခလုတ်
သူကတော့ အဖွင့် အပိတ်ခလုတ်လေးပါ
2- Mode( M)
ဆိုတဲ့ခလုတ်လေးပါဒီခလုတ်လေးကတော့အရမ်းအရေးပါပါတယ်
Mode ဆိုပြီး
အပြည့်အစုံရေးမထားရင် M ဆိုတဲ့
သင်္ကေတလေး ပါပါတယ်… အဆင့်ငါးဆင့်လုပ်ဆောင်ပါတယ်(တစ်ချို့ လေးဆင်သာ)
-ပထမတစ်ချက်နှိပ်ရင် Auto ဆိုပြီးပေါ်လာပါတယ်
Auto အနေအထားမှာဆိုရင်
အခန်းအပူချိန်-ပန်ကာလည်နှုန်း- Outdoor unit အဖွင့်အပိတ်နဲ့လည်ချိန်တွေကို အဲကွန်းထဲက Processor
ကသူဟာသူ
အလုပ်ပေးပါလိမ့်မယ်
-ဒုတိယတစ်ချက်နှိပ်ရင်
Cool ဆိုပြီးပေါ်လာပါလိမ့်မယ်
Cool အနေအထားမှာဆိုရင် အဲကွန်းက အေးနေပါလိမ်မယ်
ဒီအချိန်မှာ Out
door unit/ Condenser တခုလုံး အလုပ်လုပ်နေပါလိမ့်မယ်။သုံးစွဲသူက
နှိပ်ထားတဲ့ အခန်းအပူချိန် (Setting)အောက်
မရောက်မချင်း အဲကွန်းက လည်နေပါလိမ့်မယ်…
-တတိယတစ်ချက်
နှိပ်ရင် Dry ဆိုပြီးပေါ်လာပါလိမ့်မယ်
Dry mode မှာလည်းအဲကွန်းက
အေးနေပါမယ်။ ဒီအချိန်မှာ အေးရုံသာမက အခန်းတွင်းက ရေငွေ့ပမာဏ(Humidity)ကိုလည်း Cool နှိပ်ထားချိန်ထက် ပိုပြီး
လျှော့ချပေးပါလိမ့်မယ်။
-စတုတ္ထတစ်ချက်နှိပ်ရင်
Heat ဆိုပြီးပေါ်လာပါလိမ့်မယ်
Heat ဆိုတာကိုနှိပ်ထားပြီး ချိန်ထားမယ်ဆိုရင်တော့
အဲကွန်းက အပူအအေးနှစ်မျိုး သုံးလို့ရတဲ့ ဟာဆိုရင်တော့ အခန်းတွင်းက Info or က အပူကွိုင်ဖြစ်သွားပြီး Outdoor
unit က အအေးကွိုင်အဖြစ်
ပြောင်းပြန်အလုပ်လုပ်ပေးပါလိမ့်မယ်။
-နောက်ဆုံးတစ်ချက်နှိပ်ရင်တော့
Fan ဆိုပြီးပေါ်လာပါလိမ့်မယ်…
Fan ဆိုတဲ့ အနေအထားမှာနှိပ်ထားပြီး ချိန်ထားရင်တော့
အဲကွန်း Outdoor ကအလုပ်မလုပ်ပဲ Indoor
ပန်ကာပဲ
အလုပ်လုပ်ပါလိမ့်မယ်။ အခန်းတွင်းမအေးတော့ပါ။ ပန်ကာချည်းသာ လည်နေလို့ဖြစ်ပါတယ်
3-Temperature
အခန်းရဲ့လေထု အပူချိန်ကို ကိုယ်လိုသလိုချိန်ဖို့ အထက်အောက်/ဘယ် ညာ မြှားနှစ်ခု
နဲ့ရေးထားတဲ့ အပူချိန်ချိန်ညှိခလုပ်ပါ။ အခန်းရဲ့ အပူချိန်ကို ကိုယ့်အတွက်
သက်သောင့်သက်သာဖြစ်စေမည့် အပူချိန် အနည်းအများကို ချိန်ရာမှာ သုံးပါတယ်။
လူတစ်ယောက်အတွက် သက်သောင့်သက်သာဖြစ်တဲ့ အပူချိန်က
ရာသီအလိုက်မှာရှိတဲ့ ပတ်ဝန်းကျင်အပူချိန်လိုက်လို့ နေ့ညလိုက်လို့
အပြောင်းအလဲရှိပါတယ်။ အဲကွန်းဖွင့်ထားပေမယ် သတိရမနေစေပဲ ကိုယ့်အတွက် ချမ်းမှန်း
ပူအိုက်မှန်း သိမနေစေတဲ့ အပူချိန်ကတော့ အကောင်းဆုံးပါပဲ။
4- Speed/ Fan
အဲကွန်း Indoor
ရဲ့အထဲက ပန်ကာ
အမြန်နှုန်းကိုချိန်တဲ့ခလုပ်တခု ပါ ပါလိမ့်မယ်။ သူရဲ့အသုံးက..ပန်ကာ အမြန်နှုန်းကို
အမြန်(Hi)၊ အလည်အလတ်(M)၊ အနှေး(L) ချိန်ပေးရာမှာသုံးပါတယ်။
တစ်ချက်နှိပ်ရင် တမျိုးပြောင်းပါတယ် H-M-Lအစဉ်လိုက် ပြောင်းနေပါလိမ့်မယ်။ အများစု ရီမုတ်တွေမှာတော့
မှန်ပြင်ထဲမှာ အတုံးအကြီး ၊အလတ်၊ အသေး ပြောင်းသွားတဲ့ပုံစံနဲ့ ပြပါလိမ့်မယ်။
ညအိပ်ချိန်တွေမှာတော့..အနှေး (L) မှာထားခြင်းဖြင့်
ဆူညံမှုကို သက်သာစေနိုင်ပါတယ်။
5-Swing / V-sweep
တချက်ချင်းစီ
နှိပ်ပြီး အဲကွန်း Indoor Unit ရဲ့ ရှေ့က Louvre
ကို အပေါ်အောက်ကစားတာနဲ့
ကိုယ်ကြိုက်တဲ့နေရာမှရပ်ဖို့စောင့်ပြီး နှိပ်လိုက်တာနဲ့ အသေရပ်သွားဖို့
လုပ်နိုင်ပါတယ်။
6-Timer
အပူချိန် အတိုးအလျော့ မြှားတွေနဲ့ ပေါင်းစပ်နှိပ်ပြီးအဲကွန်း
ကိုကြိုက်တဲ့အချိန်မှာ ပိတ်ဖို့ ကြိုက်တဲ့အချိန်မှာ ပြန်လည်စေဖို့ အချိန်သတ်မှတ်
ပေးထားနိုင်ပါတယ်။
7-Turbo
အဲကွန်း Indoor
fan ကို အရှိမြန်မြန်
နဲ့လည်ဖို့ ဖြစ်သွားပါလိမ့်မယ်။
အဲကွန်း ရီမုတ် ကိုနှိပ်တဲ့အခါ Indoor unit ရဲ့ ဆင်ဆာ ကို သေချာချိန်ပြီး နှိပ်မှာသာ ကိုယ်လိုချင်တဲ့ Setting ရပါမယ်။ ရီမုတ်အလုပ်လုပ်ရင် အဲကွန်းကနေ ” တီ” ဆိုတဲ့အသံလေးက နှိပ်လိုက်တိုင်း ကြားနေရပါ့မယ်အသံမထွက်လာရင် Remote Setting ချိန်းသွားပေမဲ့ တကယ် Aircond မှာSetting မချိန်းသေးပါ
