အိမ်စည်းကမ်း ချိုးဖောက်​မိရင် ဘာလုပ်ရမလဲ

အိမ်ကို ဘယ်​အချိန် ပြန်ရောက်​ရမယ်၊ အင်တာနက်​ကို အချိန်​ဘယ်လောက်​ပဲ သုံး​ရမယ်၊ ဘယ်လို လိမ္မာ​ယဉ်ကျေး​ရမယ် စ​သဖြင့် အိမ်တိုင်း​လို​လို စည်းကမ်း​တွေ သတ်မှတ်​တတ်ကြ​ပါ​တယ်။

ဒါပေမဲ့ အိမ်စည်းကမ်း​တွေ ချိုးဖောက်​မိရင်​ကော။ ပြီး​ခဲ့​တာတွေကို ပြောင်းလဲ​လို့ မရ​ပေမဲ့ အခြေအနေ ပို​ဆိုး​မသွားအောင် လုပ်ဆောင်​နိုင်​ပါ​တယ်။ လုပ်ဆောင်​နိုင်​ပုံ​ကို ဒီ​ဆောင်းပါး​မှာ ဖော်ပြ​ထား​တယ်။

• မလုပ်သင့်တဲ့​အရာများ
• ပို​ကောင်း​တဲ့ ဖြေရှင်း​နည်း

(၁) မလုပ်သင့်တဲ့​အရာများ

• စည်းကမ်း​တစ်ခု ချိုးဖောက်​မိ​တာ​ကို မိဘတွေ မသိ​ဘူးဆို​ပါ​စို့။ ကိုယ့်​အမှား​ကို ဖုံးဖိ​ထား​ဖို့ စဉ်းစားမိ​နိုင်တယ်။
• စည်းကမ်း​တစ်ခု ချိုးဖောက်​မိ​တာ​ကို မိဘတွေ သိ​သွားတယ် ဆိုပါစို့။ ဆင်ခြေပေး​ဖို့၊ တခြား​တစ်ယောက်ကို အပြစ်​ပုံချ​ဖို့ စဉ်းစားမိ​နိုင်တယ်။

ဒါတွေကို မ​လုပ်သင့်​ဘူး။ ဘာကြောင့်လဲ။ ကိုယ့်​အမှား​ကို ဖုံး​ထား​တာ၊ ဆင်ခြေ​ဆင်​လက်​ပေး​တာ​ဟာ မရင့်ကျက်​သေး​တဲ့ လက္ခဏာတွေ ဖြစ်လို့ပဲ။ ရင့်ကျက်​ဖို့ လိုသေးတယ်​လို့​ပဲ မိဘတွေ မြင်​ပါ​လိမ့်မယ်။

“လိမ်ညာတာက ဖြေရှင်း​နည်း မဟုတ်ဘူး။ တစ်ချိန်​မဟုတ်​တစ်ချိန် အဖြစ်မှန် ပေါ်လာ​မှာပဲ။ အဲဒီ​အချိန်​ကျ​မှ ရမယ့် ပြစ်ဒဏ်​က အစ​ကတည်းက ရိုးရိုးသားသား ဝန်ခံ​လို့ ရတဲ့ ပြစ်ဒဏ်​ထက် ပို​ဆိုး​လိမ့်မယ်။”—ဒိုင်ယာနာ။

(၂) ပို​ကောင်း​တဲ့ ဖြေရှင်း​နည်း

• အမှန်အတိုင်း ဝန်ခံ​ပါ။ ခြောက်ပြစ်ကင်း သဲ​လဲ​စင်​ဖြစ်​ဖို့ မိဘတွေ မတောင်းဆိုပါဘူး။ ဒါပေမဲ့ ရိုးသား​ဖို့​တော့  မျှော်လင့်တယ်။
• တောင်းပန်​ပါ။ ဆင်ခြေ​တွေ ပေး​ချင်စိတ်​ကို ချိုးနှိမ်​ပြီး “မှားသွား​ပါ​တယ်” လို့ ပြော​နိုင်​ဖို့ နှိမ့်ချမှု လိုအပ်​တယ်။

အကြံပြုချက်- မိဘတွေ တောင်းဆို​တာ​ထက် ပို​လုပ်ပေး​ခြင်း​အားဖြင့် ယုံကြည်​စိတ်ချ​ထိုက်​သူ ဖြစ်​ကြောင်း ပြ​ပါ။ ဥပမာ၊ နောက်​တစ်ကြိမ် အပြင်​သွားတဲ့အခါ သတ်မှတ်​ထားချိန်​ထက် နောက်​မကျ​ရင်တောင် အိမ်ပြန်လာ​နေပြီဆိုတာ မိဘတွေကို အကြောင်းကြား​ပါ။ ဒါဆိုရင် ‘မိဘတွေရဲ့ ယုံကြည်မှု ပြန်​ရချင်တယ်’ လို့ အသိပေး​ရာ​ရောက်တယ်။

ဒီဆောင်းပါးကို jw.org ကနေ ကူးယူခြင်းဖြစ်ပါတယ်။

ပိုစ့်တင်သူ- Myint Kyaw Tunleft-sidebar